Aizawl 12th June, 2024 (Wed): Centre for Environment and Social Justice (CESJ) chuan Assembly Speaker Bungalow a thing kih a nih chungchangah dan pal zutna a awm ngei avangin June 4, 2024 thawhlehni khan thuneitu, Environment, Forest & Climate Change department ah complaint kan theh lut a, an ti a.

CEJS chuan,"Hma inlak loh chuan mawhphurtu in nih anga kan khin tel che'u a ngai ang," kan ti an ti. Speaker Bungalow a thing kih anih chungchangah PWD chuan phalna an neih loh thu leh dan anga kit an nih loh avangin EF&CC in fine tirin PWD chuan June 6, 2024 khan EF&CC hnênah sum chawi an pe a.

Speaker-in Green Mizoram Day a a thusawina ah "Dan ang thlapa thingkih a ni" atih bakah chanchinbu thlenga rawn chhuah a ni a. CESJ chuan Speaker in dan ang taka thingkih a nih thu a sawi hi kan hrethiam lo a, dan an zawmloh avanga PWD pawn pawisa an chawi laia Speaker berin dan anga an kal thu a sawi tlat hi, insawi fiah ngei tûrin kan phût tlat a ni, tiin vawiin khan thuchhuah an siam.